Chukra Bacha Ekta Nala Bhitor Tey Phashi Kena Thakishey, 40 Minute

April 22, 2024 : Monday laga fujur tey, 9:00 AM nishina tey, ekta Kohima laga colony ekta tey, bacha teenta old NST Dominos osor tey nala tey gushi kena khila homoi tey tatey phasishey koishey, Kohima laga District Project Associate (DPA) – Victor Yumeh para koishey ki, duita bacha ke ulaboley parishey hoilebi ekta 11 saal laga bacha – Milam asey tai toh hoiley phasi jaishey koishey, Yumeh para janai diya hisap tey, SDRF para 9:00 nishina homoi tey khobor paishey aru tai khan ahi ken aitu bacha ke nala tey pra ulaboley 35 para 40 minuste tak nishina lagishey koishey. Rescue hoa pichetey bacha toho lop komjur hoi jai kena thakishey, hoilebi eku jokhom khan pawa laga toh nai koi kena janaishey koishey. Milam toh hoiley itya Kohima laga District Hospital tey treatment khan loi asey, bacha ke rescue kuria homoi tey police department north, 13 AR D Block Kohima Town, District Administration, Kohima Hospital Aru Kohima Municipal Council khan mili kena modod dishey koishey.