March 9, 2026: Advisor Water Resources, Tongpang Ozukum para ekta starred question through para, Home laga Deputy Chief Minister – Y Patton ke hudishey, kotey kunba district khan toh hoiley tai khan laga allot kuri thaka thaka quota toh hoiley fill kuriboley napari kena thakishey, itu chuli kena thaka constable recruitment laga homoi tey, candidate khan Physical Efficiency Test (PET) fail hoi thaka nimitey aru tai khan itu post khan laga total detail khan bisarishey, kuntu toh hoiley fill nakuri kena thakishey, Day-3 tey, itu 14th Nagaland Legislative Assembly laga 8th Session tey, NLA Hall, Kohima tey, 9th March, 2026 tey.
Itu question ke jawab di kena, Deputy Chief Minister aru Home Minister Yanthungo Patton para koishey ki, kunba district khan toh hoiley hoiley tai khan ke allot kuri kena thaka quota toh fill kuriboley napara laga thakishey, candidate khan physical test khan fail hoi thaka karney. Tai para itu House ke inform kurishey ki, Mokokchung tey 43, Longleng 1, Tseminyu 3, aru Wokha 1 aru Dimapur, Chumoukedima aru Niuland eke logotey 30 mota aru 2 maiki post khan fill nakuri kena thakishey, pura puri 80 vacancy khan pura puri ani di kena.
Itu jawab ke reply kuri kena acknowledge kuri kena, Ozukum para itu initiative ke appreciate kurishey, itu Home Department laga, itu constable recruitment conduct kuria laga, ekta lamba gap pichetey, state kuri kena ki, itu toh hoiley ekta welcome step asey, particular para itu state laga unemployed youth khan nimitey.
Supplementary question raise kuri kena, Tongpang para bhi hudishey, itu fill nakuria post khan toh hoiley ekta alagsa recruitment para fill kuribo na nai koi kena, itu concerned district khan nimitey.
Add Comment