August 15, 2024: Chumoukedima laka Local Ground deh 78th Independence Day observe kuri shae. Etu occasion deh Deputy Chief Minister T.R Zealing para national flag tho hoist kuri shae.
Dr. TR Zeliang para taila speech deh sob manu kan keh taila greeting di shae aro etu din tho mukan inspiration laka laka din ase kui shae, mukan laka freedom fighter laka hath para. Tai para etu din tho mukan laka dedication dibo leh laka din ase kui shae state deh. Tai mukan Nagaland State tho active partner taki nah ahi ase kui shae, nation laka journey deh. Tai para Nagaland tho history banai shae kui shae, Urban Local Government conduct kura time deh. Tai para Nagaland tho sob society laka section keh eki lokot deh ani shae kui shae aro state election keh kara kuri di shae kui shae. Tai para agae deh maike representation nataki nah aha tho, itia tho mukan lokot deh 37 maike representation ase kui shae.
T.R Zealing para etu kan tho examples ase kui shae, kuto mukan eki lokot deh taki leh achieve kuri bole pari bo. Tai para etu spirit tho agae deh lui jab oleh hope kuri ase kui shae sob obstacles kan keh overcome kuri bo karne.
Etu event deh March past, Aerobics, folk song aro cultural dances kan b perform kuri shae.
Add Comment