August 1, 2024: Outgoing DC, Chumoukedima , Abhinav Shivam, IAS laka nam deh ekta farewell program lui shae. Etu program tho DPDB Hall, DC office, Chumoukedima deh taki shae, 31st July 2024 din deh.
Taila farewell speech deh, DC Abhinav Shivam IAS para taila experience share kuri shae. Shivam para taila tui sal laka tenure deh, tai itia taka nishi nah efficient hobo taka nai kui shae, hoile b officers aro staff laka promises para taike ekta positive impact di shae kui shae. Tai para, taikan dia cooperation karne tai kuri bo para achievement kan tho kuri bole pari shae kui shae. Tai para taial tenure time deh, ekta b staff aro officers para taike fail kura nai kui shae aro gaps nahoileh failure kan taki shae koile tho, taila gulti ase kui shae, leader taki nah.
Tai para staff kan efficient taki leh heh officer tho successful takeh kui shae. Tai para Chumoukedima tho ekta land of opportunity ase kui shae aro lamba rasta jab oleh baji nah ase kui shae. Hoile b district tho uthi bo kui nah tai sure ase kui shae.
Incoming DC, Polan John, NCS para taila speech deh outgoing officer kan tho sobse capable, competent aro efficient IAS officer kana se kui shae aro taila leadership pitor deh district keh bahl para manage kuri shae kui shae.
Farwell program tho SDO(C) & RO Chumoukedima, Thejavizo Nakhro. Para chair kuri shae. DBs laka nam deh speech kan tho P Kedokhrielie, PA to DC para di shae. DC office Staff laka nam deh speech tho LDA, Kenneth Zalipu para di shae. HoDs laka nam deh speech tho DAO Chumoukedima, Bodevi Shuya para di shae.
(Tovikali, IA, Chumoukedima)
Add Comment