April 15, 2025, 06:53 PM: Itu nationwide celebration Poshan Pakhwada laga part thaki kena, ekta Healthy Baby Show organize kurishey, itu District Programme Officer Dimapur laga Office para. General Administration aru Mission Shakti logotey collaborate kuri kena, kuntu toh hoiley 15th April, 2025 tey loishey, Anganwadi Training centre, Diphuphar, Chumoukedima tey.
Itu event toh hoiley ekta district level program thakishey, kuntu toh hoiley health aru nutrition awareness promote kuriboley kuriboley aim kuria laga thakishey, ama-baba khan bhitor tey, bacha khan shuru shuru laga nutrition laga importance, regular health checkup aru thik thak laga hygiene practice khan, itu khan laga importance aim kuri kena. Bacha khan ke tai khan laga health parameter khan aru sob thik-thak thaka laga opor tey assess kurishey. Itu show tey, enthusiastic participation thaka laga dikhi paishey, ama khan para, teenta project khan para – Child Development Project Officer Dimapur laga Office, Child Development Project Office Dhansiripar laga Office aru Child Development Project Officer Medziphema laga Office para.
Jeeta party khan ke overall health indicator khan based opor tey select kuria laga thakishey aru tai khan ke ekta cash prize logotey felicitate kurishey.
Mokokchung District DPDB Meeting Loishey
April 15, 2025, 06:20 PM: Itu Mokokchung laga muhina laga District Planning aru Development Board (DPDB) loishey, 15th April, 2025 tey, Mokokchung laga DC laga Conference Hall tey para. Itu Speaker NLA & Chairman DPDB Mokokchung – Sharingain Longkumer laga Chairmanship under tey.
Itu jawa muhina laga olop homoi review kuri kena, itu chairman para itu sob member khan ke thanks janaishey, itu House laga, tai khan laga support aru contribution khan nimitey, itu Cherry Blossom Festival toh bhal para success hobo para nimitey. Kuntu toh hoiley district (Longkhum Village) tey para loishey, jawa dui saal nimitey.
Sharingian para koishey, itu traditional festival chari kena, moi khan toh hoiley alag festival khan ke bhi encourage kuriboley lagey, itu cherry blossom aru cucumber festival khan nishina, itu district tey, Alag manu khan nishina sai kena nakuri kena, hoilebi alag notun innovative idea khan aru creativity khan ani kena.
Itu agenda khan discuss kuri thaki kena, Mokokchung laga Deputy Commissioner – Thsuvisie Phoji para Mokokchung laga DC Bungalow laga preservation elucidate kurishey, itu toh heritage building asey koi kena, kuntu toh hoiley 145 saal purana building asey.
Tai para koishey itu building tey toh hoiley major renovation kuriboley lagi asey, hoilebi ekbar itu hoi jaishey koiley, itu toh hoiley khali Mokokchung district laga manu khan laga asset ekla nahoi, hoilebi itu to hoiley itu State bhitor sob manu laga asset hoboley asey. Kuntu nimitey itu house para toh hoiley approve kurishey, itu ke forward kuriboley karney, government ke, aru bhi step khan loboley karney.
Add Comment