Chumoukedima, 10 April 2025: Chumoukedima District Planning & Development Board (DPDB) laga meeting 10th April 2025 te DC Office, Chumoukedima te kuri se, Advisor & DPDB Chairman Chumoukedima, Zhaleo Rio laga chairmanship under te.
Meeting to new members khan laga introduction aru last DPDB meeting laga minutes review para start kuri se.
Meeting te chairman sob department khanke instruct kurise ki upcoming monsoon nimite prepare thakibo lage, aru monsoon-related emergency situation face kuribo nimite ready thakibo laga directive dise. Agriculture department ke request kurise ki quality saplings aru seedlings provide kuribi farmers khan ke, aru village te schemes laga awareness loi jabole. Tai elected representatives khan ke bhi remind kurise juntu juntu action plans, activities aru target assistance ase, tai khan ke update kuri jabo.
Industries & Commerce Advisor, Hekani Jakhalu bhi address diya time te koise ki sob department ekta logot miliki kena ekta proper plan banabo lage, karon bishi village khan etya bhi schemes aru activities khan ke na jane. Tai koise, jodi public ke serve na kurile, taikan nijor duty te fail hobo, karon government servant laga main kaam to public serve kura he ase. Monsoon preparedness te, tai assure kurise ki tai nijor side para concerned department ke appeal kuribo jate timely District Disaster Fund under te affected families ke help dibo
Meeting te alak important agendas bhi discuss aru deliberate kuri se, aru approval karone Government ke forward kora hoise: Jehovah Jireh School, Videma Village upgrade kora; NST Service Station for Chumoukedima District; Z. Rio Village recognition; Lokheto Village recognition; Flatted Factory Complex establish koribo karone land allotment at Medziphema Town; GPS creation at Chumoukedima ‘A’ Village; ACP posting at Medziphema HQ.
Sirhi Angami Village laga name change to Medziphema ‘A’ Village te rakha agenda to next meeting karone defer kuri se further discussion nimite.
Next DPDB meeting te, DDMA para monsoon preparedness laga power point presentation present kuribo. Meeting to Vice Chairman DPDB, Polan John laga vote of thanks para khotom hoise.
Add Comment