June 20, 2025, 05:31 PM: Chumoukedima laga DC – Polan John, NCS para inform kurishey ki, tai khan para itu notice kuriboley parishey, aru District Administration ke janaishey, ki, kunba activity khan quarry kuria laga, mati kata laga, construct kuria laga, temporary fruit khan aru sob kheti kuria laga stall khan set kuria laga aru alag mati laga related operation khan laga activity khan nishina toh undertake kuri asey, National Highway 29 laga osor phaney, mati khan bhi milai kena, grant thaki kena.
Itu activity khan toh hoiley ekta significant risk pose kuri asey, itu Highway laga structural integrity karney aru public safety ke endanger kuridi asey, itu soil erosion, landslides, Highway blockade, encroachments, subsidence aru fatal highway accident khan bishi bishi hoboley kuri di kena.
Itu laga view tey, aru critical infrastructure laga interest tey, aru aha jawa kuria manu khan public laga safety ensure kuri kena, sob manu khan, bosti council khan aru stakeholder khan ke yatey para advise kuri asey, kiba kibi quarry kuria, mati kata, temporary vendor stall khan set up kuri thaka nahoilebi itu nishina activity khan kuria laga, NH 29 tey toh nakuria hoi jaboley koishey, kuntu toh hoiley stability aru safety ke ulta para impact kuriboley asey, Itu Highway aru tatey aha jawa kuria manu khan karney.
Itu nimitey sob concern khan ke urge kurishey, tai khan laga full cooperation extend kuriboley, itu NH-29 laga durability aru manu khan laga safety maintain kuriboley nimtiey.
Add Comment