September 08, 2026, 6:06 PM: Ek din laga workshop loishey, Bulk Waste Generators (BWGs) opor tey, kuntu toh hoiley, itu DC laga Office, Chumoukedima tey loishey, September 8th, 2026 tey, effective waste management aru sustainable practice khan promote kuria laga objective khan logotey, bulk waste generator khan bhitor tey. Itu workshop toh hoiley Shreyansee Jain, IAS, SDO Chumoukedima para chair kuria laga thakishey.
Ekta welcome address deliver kurishey, Polan John NCS, Deputy Commissioner, Chumoukedima para, kotey tai para Collective responsibility nimitey koishey, Solid Waste Management tey, aru sob stakeholder khan ke koishey, particular para identified Bulk Waste Generators (BWGs) ke, collective responsibility loboley, effective solid waste management nimitey aru compliance ensure kuriboley nimitey, itu Supreme Court laga time-bound direction khan aru itu Solid Waste Management Rules, 2026 logotey.
Itu programme tey address kuri kena, identified BWGs logotey, Chumoukedima tey, itu DC para stress kurishey ki, solid waste management toh hoiley khali sanitary kaam ekla laga responsibility nahoi, hoilebi itu toh hoiley – individual khan, household khan, institution khan aru establishment khan laga collective responsibility asey.
Itu Supreme Court laga observation khan refer kuri kena, tai para itu constitutional duty highlight kurishey, citizen khan laga, Article 51A(g) under tey, itu environment bachai kena rakhiboley aru note kurishey ki, ekta safa aru healthy environment rakhiboley right asey, itu toh hoiley right to life ke linked asey, Article 21 under tey.
