May 12, 2025, 06:08 PM: Chumoukedima laga muhina laga DPDB meeting loishey 21th May, 2025 tey, DPDB Conference Hall, Chumoukedima tey para, itu Advisor, Urban Development aru Municipal Affairs, Zhaleo Rio laga chairmanship under tey.
Itu meeting toh hoiley jawa muhina laga review kuri kena shuru kurishey, aru itu pichetey chairman & Advisor, Zhaleo Rio aru Advisor Industries & Commerce, Hekani Jakhalu para welcome address dishey. Itu house para ekta kahta discussion kuri kena, itu Yimkhiung Soritsun Women Cultural Society laga Society Recognition toh forward kurishey, ward 5 tey; Forerunner Nagaland Foundation, Diphupar Bosti tey; aru Block-5 Welfare Society toh Thilixu Village tey. Eneka thakilebi Riverine Educational Society toh Thilixu Village aru Sumi Baptist Akukuhou Society toh Diphupar ‘B’ Village tey, kuntu khan toh hoiley next DPDB meeting karney rakhi di kena asey, kotha kuriboley.
Alag agenda khan toh DIPR Office laga Upgradation kuriboley laga discuss kurishey, Medziphema Sub-Division; District Welfare Officer (DWO) Post banaboley laga, Chumoukedima District tey; alagsa Fire Station banaboley Medziphema tey, kuntu khan toh itu house para bhal para kotha khan kuria pichetey approve kurishey aru forward kuri dishey, recommendation khan nimitey.
Pichetey, Nodal Officer, DDMA, Rendemo para PowerPoint presentation dikhaishey, kotey tai para Disaster nimitey tyaari thaka laga status, structure khan, action plan khan highlight kurishey, monsoon nimitey tyaar thakiboley laga
Add Comment