Chumoukedima, 07 April: ADC Chumoukedima, Dr. Kuzo para ekta meeting te chaired korise 7th April 2022 te Chumoukedima te Mock exercise mathi hela opor te nemite. Mock drill exercise toh 8th April 2022 te 11 am samai Chumoukedima te lobole ase.
Exercise te mathi 8.7 Magnitude te hela opor te fake koribole ase. Exercise toh National Disaster State Management Authority para NDRF& SDRF logote meli kena lobole ase.
Assistant Manager (Response &Communication) and Nodal Officer (DM), Dimapur, Rendemo Shitio para exercise toh sites- St. Joseph Higher Secondary School aro Bituo Marketing Complex, Chumoukedima te lobole ase koise. Tai para hatsa sites jaga laga sob concerned citizens ke monchinda nakoribole koise kelay koile etu toh nakali laga howa nemite aro authority logote cooperate koribole koise.
Meeting te response, rescue, and rehabilitation preparation plan aro strategy opor te kotha kora thakise. Officers khan disaster/hatsa samai kenaka damage assessment lobo etu opor te kotha kora thakise kelay koile disaster response aro relief operations nemite resources olabole paribole nemite.
Meeting te Deputy Commissioner of police, Chumoukedima; Chief Medical Officer, Dimapur; Fire & Emergency; State Disaster Response Force, Dimapur; Commandant 1st NAP, Chumoukedima; Administrator, Chumoukedima Town Council; Chumoukedima Town ward Council Chairman; Community First Responder(CFR); Nodal Officer, District Disaster Management Authority, Dimapur; District project Associate, District Disaster Management Authority, Dimapur; Principal, St. Joseph Higher Secondary School thakise.
Add Comment