Chumoukedima Tey Dangor Jui Lagi Kena, 10 Ghor Khan Julai Dishey, Unity Village Tey, October 21st Tey

October 21, 2024, 06:46 PM: Chumoukedima tey dangor jui lagishey, 10 ghor khan julai di kena, Unity Bosti tey, October 21^st, 2024 tey.

Itu ghatna toh hoiley 10:30 para 10:40 aas paas tey hoa laga thakishey koishey. 

Fire Tanker khan, Central Fire Station Dimapur, Chumoukedima Fire Station aru West Fire Station para tatey punchi kena jui dangor laga toh bujhai dishey.

Thik homoi tey intervene kuria para, fire station para itu jui aru alag alag jaga khan tey lagiboley thaka para bachishey.

Itu jui laga toh hoiley, short circuit para hoboley thaka laga doubt kuri asey. 10 ghor khan jui para pura julai dishey aru tai khan aru bhi investigate kuriboley asey, itu jui jula laga, Chairman para koishey.

Bishi dangor jui para duita non-local khan laga aru 8 toh local khan laga julai dishey, koishey.

Council para affect hoi kena thaka parivar ke modod kuriboley kusish kuribo koishey; tai khan para Chumou laga District Administration ke appeal kurishey, affect hoi kena thaka famlily khan ke modod kuriboley.