Chumoukedima Toh Hoiley, Municipal Corporation Deserve Kurey; Dr. John Murry Para Koishey

February 04, 2025, 05:38 PM: NDPP State Treasurer, Dr. John Murry para Chumoukedima Town Council  laga Councilor Government nominee – Longshi Kikon laga honour karney itu thanksgiving service tey kotha kuri kena koishey ki, itu Chumoukedima town toh hoiley ekta town council hisap thaki thakiboley laga nahoi aru bhabana toh yaety bhi ekta Municipal Corporation deserve kurey koi kena, itu event toh hoiley LUC Hall Chumoukedima Town tey para loishey, 3^rd February, 2025 tey.

Tai para optimism thaka laga express kurishey, ki, time ekta ahibo juldi hey, kitya Chumoukedima Town Council ke toh ekta municipality koi kena convert kuridibo. Dr. Murry para tai laga gratitude express kurishey, itu Nagaland laga Chief Minister – Neiphiu Rio, Advisor – Zaleo Rio aru Sr. Vice President NDPP, Charles Sekhose ke, ekta member ke support kuria nimitey, itu Lotha community para, ekta Government nominee councillor hisap serve kuriboley karney, itu notun para develop kuri kena Chumoukdima District nimitey.

Dr. Murray para aru bhi stress kurishey ki, itu Longshi Kikon laga nomination, Councillor hisap kuria toh ekta 5000 para bhi bishi Lotha manu khan laga recognition asey, Chumoukedima town tey aru koishey ki, itu Government toh hoiley sincere co-operation aru active participation expect kuribo koi kena, itu sob Lotha intellectual khan, member khan aru elder khan para, itu notun para shape loi thaka Chumoikedima district toh, itu manu khan laga welfare nimitey.

Government nominee Councilor, CTC, Longshi Kikon para Dr. John Murry ke thanks janaishey, tai laga wisdom aru narukhi kena effort di thaka nimitey, alchi nakuri kena kaam kuri thaka nimitey, itu manu khan laga welfare nimitey. Tai para sob intellectual khan, elder khan aru sob manu khan laga guidance, cooperation aru prathana request kurishey, tai itu notun position bukha homoi tey, manu khan ke serve kuriboley karney.

Chairman CLH, Chairman CTC, Chairperson CLEE, Chairman NTC aru alag alag bishi speaker khan para Longshi Kikon ke congratulate kurishey. 

Agri & Border Affairs GON laga Advisor karney PA – James Kikon para itu program ke chair kurishey, aru Sr. Pastor, LBC Chumoukedima, N.Thungchio Lotha para shuru laga prathana kurishey. N.Ekonthung Kikon para vote of thanks deliver kurishey.