ITANAGAR | March 29: Catholic leaders of Northeast India pora ekta statement diye kena koise ki church toh nijor ekko political parties khan logote milikena nai.
Etu chitti toh region laga Catholic dharam maniya khan ke koise, Rev Dominic Jala, North East India Regional Bishop’s Council (NEIRBC) laga president, kono pora sob manu khan ke nijor laga vote haaq julaibo karne koise.
Etu chitti te koise ki vote koriya toh sob citizen laga haaq aro zimmedari ase aro sob manu ke dharam, jaat aro culture ke nasai kena sob manu milikena etu democratic process te hisa lobole koise.
Tai pora desh te konoba dikatari ola bi koise, genika ki dhuni aro dukhiya majote besi aalag howa, hajira manu khan laga dankha gomti howa, khedi koriya manu khan laga mon dukh aro sob jakka te corruption howa.
Rev Jala pora church leaders khan ke saathta janibo laga kotha dise, tate aalag kotha khan logote milaikena dukhiya aro gopal biya khan ke modot koribo, public jeevan te shanti, sob manu khan nimite suraksha, jaati manu khan nimite nijor laga jongol aro pani laga haaq, jaat khan majote shanti aro pura desh te sob dharam milikena aro ekjun ke bujikena shanti thakibo koise.
Add Comment