Chutu umar te type 2 diabetes napabole laga tarika

Zindigi te joldi healthy lifestyle chola para diabetes pa laga risk ke ekdam  komaidibo parey. Yatey kunba adat khan dikina asey kuntu ke cholaisey koiley jawan umar te type 2 diabetes para bachibo paribo

1. Kha luwa bhal thakibo lagey

Whole grains, fruits, vegetables, lean proteins aro healthy fats bhorta thaka khana kha para apni laga blood sugar level ke regulate kuribole modod korey. Chini bisi thaka khana aro drinks, factory te bana snacks aro tail bisi thaka khana khan nakhabo lagey.

2. Active thakibo lagey

Hodai exercise kuri thaka para khali weight ke healthy rakhibole nimitey modod kora hey nohoikina insulin laga sensitivity ke bi improve korey. Hodai hapta komsi kom 150 minute laga eman dukh napa exercise jaiseki speed para walk kora, cycle chola nisna exercise khan kuribo lagey.

3. Khana laga size ke control kuribi

Khana over nakhaidibole nimitey khana laga portion ke komti kuribo lagey. Etu adat para weight ke baribole nidibo aro ekta healthy Body Mass Index ( BMI) maintain kuribole modod kuribo kuntu tu diabetes para bachibole nimitey jaruri asey.

4. Stress ke manage kuribo lagey.

Lamba homoi tak stress(chinta) kuri thaka para amikhan laga lifestyle ke bi unhealthy kuridibo parey. Stress ke bhal para manage kuribole nimitey  meditation (suku bon kurikina dhyan diya), yoga nohoiley gehrayi para saas luwa laga exercise khan kuribo lagey.

5. Bhal para ghumabo lagey

Bhal para nughuma para bhook aro blood sugar level ke control kora hormone ke olta polta kuridibo parey. Gao ke fit rakhibole nimitey hodai rati 7-9 ghonta ghumabo lagey.

6. Screen te bisi homoi nefelabo lagey

TV aro computer khan laga agey te bisi homoi fela para din bhor buhi thaka nohoilebi  gao hila hili nokora laga adat banaidibo parey. Bahar te khel kud kora laga activity, hobbies aro manu khan logotey baat chit kuri thaka para screen laga agey te homoi fela tu komti kuriidbo parey .

7. Pani thik khabo lagey

Din te pani bisi kha para gao laga function ke maintain korey jaiseki khoon lga sugar level ke maintain korey.  Mita drinks kha laga bodli pani, herbal cha khan khabo lagey.