NEW DELHI, SEPTEMBER 16 : Central Information Commission (CIC) pora Lok Sabha Speaker aro Rajya Sabha Chairman laga Offices kan ke “Legal Framework” kam thik pora julabole kuribi koi kena janaise. Kele etu pora Members of Parliament Local Area Development Scheme (MPDLADS) bitor laga Funds kan jula toh bhal te julabole kura huijabole karne koi kena. Etubi parliamentarians aro tusera organisations laga kan bhal te kobi transparency, accountability aro liability hisabte julabole karne.
Etu kotha CIC pora diya ke 54 pages te kotha lekhe kena ase. Etu ke Commission pora MPLADS laga bitorte alak-alak chis nemite sob MP kan ke Rs. 5 crore hutai sal de. Etubi alak-alak Projects aro tusera kam kan nemite julabole karne. Huilebi etu Fund kan toh Ministry of Statistics aro Programme Implementation pora khobor te janaidiya hisabte Rs. 12,000 crore nesena etu MPLADS bitor laga julabole nakurikena (remain unspent) ase koise.
Etu karne Information Commissioner Sridhar Acharyulu pora koa hisabte LS Speaker aro Chairman laga Offices kan etu “Legal Framework” kan kobi Specific Duties aro Compulsory Transparency obligations, definitions of breach of duties, prescribing rules aro regulations, aro liabilities kan sob ke thik pora saidebole kuribi. Aro etu khobor kan sob thik pora hisab kurikena tai kan Commission Office ke janaidebole kuribi koi kena janaise. Etubi sal khotum hua bejete aro etu MP kan MP nemite thaka (MP Tenures) khotum hua bejete.
Tai bi khali state wise laga hisabte hi nahui kena District wise hisabte bi District Administration kan bi MP pora etu MPLADS bitor laga Fund toh kinika julabole kuri ase etu kan laga khobor sob janaidebole kuribi koi kena janaise. Etubi khobor kan kobi work-wise, MP-wise, Year-wise progress of works regularly aro delay of works kan sob website te janaidebole kuribi koi kena janaise.
Add Comment