Guwahati, September 20 – Assam sorkar para eneka order dishe ki singer aru actor Zubeen Garg laga death case CID (Criminal Investigation Department) toh investigate kuri bole. Etu ahishe ekta police complaint karon, juntu te negligence aru foul play ulaishe.
Zubeen Singapore te North East India Festival attend kuri thaka time te expire hoijai she . Report hisap te, yacht trip karon health complication hoishe aru Singapore General Hospital te 2:30 pm te declare kuri dishe. Eneka sudden death te Assam aru North East pura shocked hoi jaishe, karon Zubeen toh ekta cultural icon hoa karone.
Death pichete, Morigaon district laga ekjon, Ratul Bora, police complaint file kuri dishe. Tai complaint te festival organiser Shyamkanu Mahanta aru Zubeen laga manager Siddharth Sharma ke accuse kuri she negligence aru mismanagement karone. FIR te murder charge bhi include kuri ase, aru question uthai ase ki Zubeen laga health problem janina thakile bhi eneka situation te Singapore loi jabo dishe.
Complaint te bhi alleged kuri she ki emergency time te proper medical care timely provide kuri nai. Etu karone Assam sorkar Director General of Police (DGP) ke order dishe, sob complaint ekdom consolidate kurikina CID khan ke probe kuri bole. Singapore authority bhi investigate kuri ase, karon incident toh tai khan laga jurisdiction te hoishe.
Family aru fans sob eagerly wait kuri ase clear information pa bole, ki situation te Zubeen Garg, ekta beloved cultural icon, mori jaishe.
Add Comment