CIHSR, Chumoukedima Laga Patient Para Mon Dukh Thaka Laga Share Kurishey, AB PM-Jay New Policy Opor Tey

April 26, 2026: CIHSR Chumoukedima laga Dialysis Patients para mon dukh thaka laga share kurishey, AB PM-Jay Notun Policy opor tey. Beneficiary khan toh hoiley financial strain khan aru confusion khan face kuri asey, notun policy opor tey. Hospital laga Staff para April 2 tey meeting loishey, Patient khan & attendant khan ke inform kurishey, policy charges opor tey.Attendant khan para state kurishey ki, tai khan toh hoiley treatment laga cost khan bear kuriboley lagi asey, aru kiley koiley tai khan koi thakishey ki, implement kuria toh time loboley asey. Letter state kuri kena asey, patient khan laga mon dukh kotha khan toh Nagaland Health Protection Society, Kohima ke pathai di kena asey, April 13 tey, Hospital Authority khan through para. Patient khan para CM & concerned minister ke appeal kurishey, intervene kuriboley karney. Patient khan para wapas purana system tey hoi jaboley karney urge kurishey, hoilebi koi asey, implement kurishey koiley notun policy logotey comply kuriboley bhi icha asey.