Cinema halls tuh August moina para kuliboli pareh

July 25, 2020. Friday din te Information & Broadcasting Ministry para suggested kurishe ke, desh phur te August moina para cinema halls aro kulibo parey. Friday din te CII Media Committee logot close-door meeting thakina, I& B secretary Amit Khare para koishe ke, India phur te cinema tuh August 1 darik para kulibo aro deri dak te  August 31 darik te hobo. Tai aro koishe ke, cinema halls aha moina para kuboli laga final decision tuh Home Ministry laga counterpart Ajay Bhalla para junai thibo. Information & Broadcasting Ministry laga hesab te koishe ke, cinema hall laga seat te manuh boha beche ekta seat kali rakina jabole koishe. I& B secretary Amit Khare para aro koishe ke, ministry laga recommendation hesab te manuh pithor te tui(2) meter thur thakibole kowah  tuh botli kurikena tuita(2) yard thakibole koishe. Hoilebi, Information & Broadcasting Ministry para recommendation kura oper te Home Ministry para aro eku decide howah nai aro etu lotha tuh jawab thiboli ase koishe. Khobor hesab te, meeting tuh media laga CEOs neshina- – N P Singh of Sony, Sam Balsara (Madison), Megha Tata, (Discovery), Gaurav Gandhi (Amazon Prime), Manish Maheshwari (Twitter), S. Sivakumar (Bennett Coleman and Co Ltd), and K. Madhavan, Star & Disney, and also Chairman, CII Media Committee khan para attended kurishe. Cinema laga malik khan be kotha kora samay thakishe, hoilebi, Information & Broadcasting Ministry para suggestion deya hesab te film saboli manuh komti hoile tuh loss he hobo koishe. Desh phur te coronavirus bemari nemite cinema halls bondh kura nemite, besi wala films khan tuh OTT te released kuri thakishe.