New Delhi, August 01 : Amazon Prime Video para Citadel laga Indian sister-series, Citadel : Honey Bunny laga release date announce kurisey. Etu series te Varun Dhawan aro Samantha Ruth Prabhu lead role te asey kun spies(jasoos) laga kirdar nibhaia sey. Mumbai te ekta special event logotey etu film laga ekta nutun teaser bi launch kurisey.
Etu nutun teaser te Varun aro Samantha bunduk ghuma, baccha khan ke bacha aro gunda khan ke mara dikhaisey aro background te Raat Baki gana laga nutun version baji thakisey.
Etu series tu November 7 te release hobole asey. Etu series ke Avengers direct kora Russo Brothers para executive-produce kurisey.
Citadel laga first season te Richard Madden aro Priyanka Chopra Jonas thakisey aro taikhan logotey Stanely Tucci aro Lesley Manville thakisey. Etu series tu 2023 te release hoisiley. Aro U.S. laga bahar te Prime Video laga second sobsey bisi sa nutun original series hoisiley. Aro release hoikina 24 din huwa picheyte, duniyabhor te sobsey bisi sa fourth original
Citadel series laga duniya para Italian Original, Citadel: Diana tu October 10, 2024 te launch hobole asey. Aro etu picheyte India laga series Citadel: Honey Bunny November 7,2024 te release hobole asey. Richard Madden aro Priyanka Chopra Jonas thaka Citadel laga season 2 laga production tu etu saal suru hobole asey. Etu ke Joe Russo para direct kuribole asey.
Add Comment