NORTHEAST INDIA | February 6: North East laga BJP General Secretary in-charge Ram Madhav pora Monday te koise ki Citizenship (Amendment) Bill, 2019 (CAB) toh Rajya Sabha etiya laga session te approval koribole supplementary bill karne rakhibo kile koile eitya toh sob ke bhal hobo laga ekta bhal fesla lobo karne sob manu khan logote kotha kori ase.
“Home Ministry pora etu mamla logote mila sob manu khan logote kotha kori ase aro moi khan biswas ase ki sob manu ke bhal hobo laga fesla lobo, etu pora Bill toh Rajya Sabha te pass koribole laga rasta bi olaibo,” Mr Madav pora UNI ke koise.
Madhav pora etu bi koise ki etu Bill toh Rajya Sabha laga business list te haliya nai, etu toh Rajya Sabha laga session te ki samoy te hoilebi, supplementary bill karne olaibo pariye.
North Eastern states te etu Bill laga khilaaf khusa koriya ke, Madhav pora koise ki tai khan besi manu logote kotha kori ase aro biswas ase ki sob manu khusi pabo laga fesla lobole paribo.
Sob manu khusi pabo laga fesla te sawal koriya ke, Madhav koise, “Moi pora etu laga details toh kobole naparibo. Northeast laga Alliance partners khan pora diktar powa laga kotha kowa loikena ami khan laga leaders pora etu diktari kenika hataibo etu laga kotha kori ase.
“Ekki samoy te, dukh powa aalag desh laga manu khan ke moikhan pora wada koriya toh koribole olai. Moi phabana ase ki etu Bill Rajya Sabha te nalowa aage te biswas koridile bhal”, Madhav pora koise.
Etiya Parliament jula budget session toh January 31 te shuru hoise aro February 13 tak jabo nisina ase. Citizenship Amendment bill, 2019 toh Lok Sabha te jowa winter session te pass korise aro kanun hobo karne Rajya Sabha laga iccha rukhi ase.
Juti NDA government pora etu Bill toh Rajya Sabha te etiya laga session khotom nahowa aage te halibole pariya nai koile, etu bill toh expire hoi jabo.
Add Comment