NEW DELHI, OCTOBER 23 : Ekta Joint Parliamentary Committee kan 60 sal purana chamala Citizenship Act nemite saidebole kurikena thaka kan etu chamala nemite asulte Winter Session time te saidebole kuribo koi kena janaise. Etubi December moina phale Parliament Winter Session time te.
Etu bill nemite Assam aro Northeastern states te besi khilaf kurikena kotha ulai ase. Etu ke Assam state te 46 Organisations kan Tuesday din te 12 khuntha baan thakibole mani kena thakise. Etubi Centre kan ahebole laga Parliament Session time te etu Bill nemite notun kanoon manibole kura aro sob states te anedebole kura karne.
Multi-Party Committee laga Chairman aro Meerut laga BJP MP, Rajendra Agrawal pora PTI khobor te etu Winter Session toh tai kan Parliament House laga 16th Lok Sabha koi kena last session ase. Aro etu ami kan thik pora etu chamala kan nemite saidebole kuranai koile ami kan ami kan laga kam thik pora nakura hisabte huijaa hobo. Etu oporte tai kan Committee laga naam bi kerijaa aro harijaa hobo koi kena janaide thakise. Etu karne etu Winter Session time te ki huilebi aro kinika huilebi saidebole kuribo lagi koi kena janaise.
Huilebi etu Bill nemite besi jun Organisation kan Northeast states laga kan khilaf kuri kena ase. Aro Assam state kan toh etu Bill anedebole kurise koile Assam Accord, 1985 laga kanoon toh sob ulta-bolta kuridiya hobo koi kena janaise. Kele etu Assam Accord te March 24, 1971 dak Citizenship naam nathaka kan toh Citizen nahui koi kena manibole ase. Aro etu porahi tai kan kun-kun Citizenship naam te nai etu kan ke khetaidebole kuri ase. Huilebi etu Citizenship Bill Act anedebole kurise koile tai kan logot sob nahua kuridiya hobo koi kena khilaf kurise. Etu oporte Meghalaya aro Mizoram Sorkar kan bi etu Citizenship Amendment Bill nemite besi kathara pora khilaf kuri ase. Aro tai 2 jun Sorkar pora etu Bill nemite notun kanoon pora ekta hisab kuridebole kuri ase koise.
Etu kan sob oporte Assam kan ke Political Parties kan kunoba kan kobi Congress aro AIUDF kan porabi support kuri ase koise.
Add Comment