New Delhi, 06 December: Indian citizenship para tai khan laga desh deh harassment para dekthari pai thaga phal kuribo. Friday din Prime Minister Narendra Modi para Citizenship (Amendment) Bill opor deh etu kotha janaideya toh tai laga first remarks ase. Etu par he cabinet para CAB toh table kuribole nemide maniya thakise.
Hindustan Times Leadership Summit deh PM Modi koise, Supreme Court’s Ayodhya verdict agae deh besi manu khan monchida howah toh thakise. Hoilebe SC fesla bechide desh deh sob monchinda aro galdi bhabona toh kothom hoise.
Tai koise, Ram Janmabhoomi verdict saboot ase ami khan kali phal thakibole. Ami khan past series deh he thakibole naparibol. Manu khan monchida toh thakibse verdict para desh deh gondola aro kon-karaba hobo koi kena hoilebi enaga toh eku howah nai. Etu sob bhabona toh galdi thakise.
Citizenship (Amendment) Bill para Pakistan, Bangladesh aro Afghanistan deh religious hisaab harassment para dekhthari pai thaga non-Muslims ke Indian citizenship pabole ase. Etu bill toh Wednesday din union cabinet para clear korise aro etu toh ahibole hapta parliament deh suru hobo nesana ase.
PM Modi koise, “Neighbouring desh para hundreds opor manu khan persecution para dekthari pai thaga khan, kon Mother India deh biswaas ase tai khan nemide Indian citizenship laga dorja khula ase. Tai khan laga bhal jevaan toh debole sure kuribo”.
Jammu and Kashmir laga special status Article 370 hataideya opor deh saijai kena prime minister koise, fesla para political dekthari powah ekta toh dekhibo parae hoilebi etu para region laga manu khan nemide development laga notun hope bonaise.
Prime minister koise, “Kali phal nemide government toh core areas deh kaam kuribo lakae. Phal governance para desh laga manu khan ke phal future toh debo”.
Tai koise, tai laga government toh 15 crore khor ke sabha paani debo nemide kaam kori thakise.
PM Modi koise, “Aji India toh pura mon dangor ase aro USD 5 trillion economy hoijabo nemide kaam kori ase. Etu toh middle class income aro kali phal jevaan thakibo nemide direct link ase”.
Bankers ke mon dangor korikena koise, tai khan toh eku bhoi nahoi kena kaam kuribo nemide manibo. Tai khan laga “genuine” business fesla opor deh question nakoribo.
Poila laga government para paper deh thek kaam toh nakorikena wala kora opor deh kelaaf korikena koise, tai laga government toh performance deh saise.
PM Modi koise, “Poila laga governments para politics wada kora nesana toh practise kora nai. Etu ke chari kena ami khan desh toh politics laga performance deh loijai ase. Ami khan para goals toh ami khan nemide nemide koise aro etu culture laga performance deh promote korise”.
Add Comment