Mumbai, 13 February : Famous Hindustani classical singer Pandit Prabhakar Karekar Mumbai te mara gise. Tai laga 80 saal umr te, ekta short illness pichete Wednesday raat Shivaji Park laga residence te last breath loi dise.
Goa-born Prabhakar Karekar ke “Bolwa Vitthal Pahava Vitthal” aru “Vakratunda Mahakay” juntu iconic renditions pra janaise. Tai ekta excellent singer aru teacher hisab te respect paise, aru All India Radio (AIR) aru Doordarshan laga graded artist hisab te perform korise. Tai Pandit Suresh Haldankar, Pandit Jitendra Abhisheki aru Pandit CR Vyas juntu legendary mentors pra training paise.
Goa laga Chief Minister Pramod Sawant Pandit Prabhakar Karekar ke tribute diye ase. X Account (formerly Twitter) te ekta post share kori, CM likhi ase: “Hindustani Classical aru Semi Classical vocalist Pandit Prabhakar Karekar laga nidhan laga khobor pai dukho hoise. Antruz Mahal, Goa te jonma paise, aru Pandit Jitendra Abhisheki laga guidance under Hindustani Classical Music sikhi thakise. Tai duniya laga anek jagate perform kori Classical Music ke preserve aru expand koribo nimite dangor contribution dise.”
CM aro likhi ase ki Karekar laga musical legacy ta laga disciples aru admirers ke logot cholibo. “Laga family, followers, well-wishers aru students ke deepest condolences. Nidhan hoya aatma ke Sadgati dibi nimite Prarthana. Om Shanti,” tweet te likhi dise.
Add Comment