Argentina, 27 February : Argentina laga youth international Claudio Echeverri nishina permanently Manchester City te join kuri loishe, ekta saal pora England laga champion club te sign kuri kena River Plate te loan te khelithaka pichete.
19 saal laga Echeverri ahikena City laga squad ke aru youthful energy dibo, jun ekhon team health aru fitness problem face kuri thakishe. Winter transfer window te City mostly young players panch junke sign kuri squad ke fresh kuri dise.
Echeverri, ekjon attacking midfielder ase, South American Under-20 Championship te kheli kena Argentina karone 9 match te 6 goal mara ase aru tournament laga second highest scorer hoishe.
January 2024 te City karone sign kuri dise kintu ekta saal River Plate karone kheli thakishe, itu agreement laga part te.
City laga director of football, Txiki Begiristain, Echeverri ke “South America pora ahi thaka eku dangor talent te ekjon” koi kena describe kuri dise.
“Football mor life ase,” Echeverri koi she, “aru mor sapna hoishe Europe laga best team te khelibo. Aji moi itu sapna te ekta step aru hibo pailu.”
Echeverri 2028 tak contract sign kuri dise aru itu season pura City laga squad te thakibo.
Premier League laga soon-to-be-deposed champion City, recent winter transfer window te $200 million pora beshi khoros kuri panch jon player sign kuri dise — midfielder Nico Gonzalez, defenders Abdukodir Khusanov, Vitor Reis, Christian McFarlane, aru Egypt forward Omar Marmoush.
City laga manager Pep Guardiola last hafta koi she ki team ke refresh kuri bole hoile bhi injury-prone stalwarts khan ke ulaibi laga hobo, karon tight football schedule manage kuribo ulai thaka nai
Add Comment