June 13, 2024: Clean Doyang Mission tho 12th June 2024 deh successfully kotom hui shae. Mission, kuto 7th June 2024 deh shuru hui shae, etu tho plastic waste laka problem tho counter kuri bole karne kura ase, kuto Doyang reservoir deh jama hui nah taki shae. Deputy Commissioner Wokha, Ajit Kumar Ranjan, IAS para mission laka successfully completion tho commend kuri shae. Commend kura time deh, tai para mission tho ekta mission mode deh initiate kuri shae kui shae, kuteh ekta area task force keh constitute kuri shae. Etu task force tho, EAC Sungro para head kuri nah, man power, machineries aro alak logistic arrangements laka requirement assess kuri bole karne bana ase aro officially 8th June 2024 deh kam tho shuru hui shae.
Deputy Commissioner para, Adviser for Agriculture & Chairman DPDB Wokha, Mhathung Yanhtan keh taila appreciation express kuri shae, tai personally jaka tho visit kura karne. Mhathung para sob teams aro volunteers kan keh taila appreciation b di shae. Tateh Pangti bosti, Dhillong bosti, Doyang laka osro taka bosti kan, Englan Range Student’s Union (ERSU) aro Loth Students Union kan. Tai para team Better Dimapur Eco Warriors Nagaland keh b thank you kui shae. DC para 7th NAP, DEF aro SDRF Nagaland laka personnel, kun kan ekta vital role play kuri shae, taikan keh b thanks kui shae,
DC para waste tho alak alak procession centre deh transport nakura time deh, waste laka segregation tho kuri shae kui shae. Tai para enaka aro future deh nahu bo karne, District Administration tho State Government lokot deh touch deh taki bo kui shae aro enaka issue counter kuri bole advise mangi bo kui shae.
(DPRO & IA Wokha)
Add Comment