NEW DELHI, november 27 : Delhi Police Monday te ekta manu ke guli (bullets) dhura para arrest korishe. Guli toh security guard para etu manu ke check kora samay te paise. Etu toh Chief Minister Arvind Kejriwal laga ghor te hoishe.
Etu guli dhura manu laga naam toh Imran ase. Imran toh clerics majote ekta thakishe. Tai khan Chief Minister logote Waqf Board laga salary uthabole kotha koribole jaishe.
Etu manu toh stringent Arms Act under te dhurishe. Etiya etu ghatna (incident) opor te puchtach (investigation) hoi ase.
Police para Imran ke sawal (interrogation) huda samay te koishe tai guli toh mosque laga donation box te paishe. Aro tai guli donation box para olai kena wallet te rakish aro pahuri jai kena thakishe.
Mr Kejriwal opor te etu hafta te second time etu hadsa hoi ahshe. November 22 te ekta manu ke Chief Minister opor te chille powder pela para arrest korishe. Chille powder pela manu Anil Sharma ke Special Cell aro Intellegence Bureau para sawal (interrogate) hudi ase.
Sawal huda samay te Anil koishe tai one-and-half-years ahge te bhi Mr Kejriwal ke lok koribole kosis korishe. Lok koribo napara karne tai Delhi Secretariat reception laga glass panels banggai. Police para etu khota verify koribole kosis kori ase.
Add Comment