Imphal, October 19 : Manipur laga Chief Minister N Biren Singh para Thursday (October 19) te koisey ki Manipur te halat tu joldi pura puri normal te ahijabo.
Tai para koisey, “ Kunba group khan para eman enaka nohobole dibole kosis kora laga bawajut bi 90% shanty tu already wapas ahijaisey.’
Manipur te May 3 te Kuki aro Meitei community laga majotey larayi jhagra ola picheyte mmala gorom hoijaisey.
Etu gondogol te komsikom 170 manu laga jaan jaisey aro hazar opor manu tu taikhna laga ghor para dur hoijaisey.
Etu homoitey Manipur laga alag alag security force laga hathyar rakha jaga para chor kora 5669 hathyar majotey khali 1350 hathyar hey wapas paisey.
Manipur laga CM Biren Singh para koisey ki state police laga hathyar rakha jaga para chor kora kunba hathyar aro barud khan ke manu khan para wapas kurisey hoilebi bisi bhak hathyar tu security forces khan para pahari aro plain duita district te bi talashi kora picheyte paisey.
Add Comment