Imphal, December 12 : Manipur laga Chief Minister N Biren Singh para Mizoram laga nutun Chief Minister Lalduhoma ke Manipur laga nijhi mamla te interfere(nugusibole) koisey.
CM N Biren Singh para Mizoram laga Chief Minister Lalduhoma ke tailaga jaga laga limit under te nigira mamla te tailaga rai nidibole koisey.
Manipur laga CM para etu bayan diya tu Mizoram laga nutun CM Lalduhoma para olop din ageyte Manipur laga Moreh jag ate buhi thaka tribal manu khan ke bhal para treat nokora laga kotha kuwa laga jawab te disey.
CM Biren Singh para Mizoram laga Chief Minister Lalduhoma ke koisey, “Enaka kora laga bodli Manipur te shanti anibole te focus kuribo.”
CM Biren Singh para etu kotha tu Imphal te Nupee Lal Numit event attend kora homoitey koisey. Etu event tu utu duijun maiki ke yaad kuribole rakhisey kun khan British laga khilaf te larayi kurisey.
CM Biren Singh para koisey, “Mizoram te Bru laga jhamila chola homoitey ami para kitya bi eku bi kuwanai. Etu nimitey, Mizoram laga nutun CM para pura jankari nathakikina Manipur laga mamla te kotha kuwa tu thik nai.”
Dusra fale CM Bren Singh para koisey ki sob Northeast rajya laga CM khan para Manipur te shanty joldi wapas anibole nimitey modod barabole monjur hoisey.bAro tai tu Mnaipur laga nyom aro beybosta logotey jurikina thaka mamla te Northeast laga alag rajya khan logotey in touch te asey.
Add Comment