Imphal, January 14 : Manipur laga Chief Minister N Biren Singh para January 14 te Congress neta Rahul Gandhi rajya te aha ke loikina dangor chinta jataisey. CM Biren Singh para juwabar Rahul Gandhi tatey aha homoitey gondogol huwa tu aro repeat hobole bhoi thaka tu jataisey.
CM N Biren Singh para koisey, “Etu yatra tu Bharat Jodo nohoi; ami karney etu tu Bharat toro asey. Juwa bar jitya Rahul Gandhi yatey ahisey, tai para Manipur ke bhangaidisey aro etya jitya Manipur laga halat tu astey para normal te ahi asey, tai aro ekbar etu ke bhangabole ahi asey.” Tai para koisey ki Rahul Gandhi laga juwa bar laga visit ke yaad rakhikina manu khan laga majotey savdhan hoikina thakibole jaruri asey.
Singh para 8th Armed Forces Veterans Day- 2024 laga sideline te koisey, “Etu tu rally khan kurikina politics kora laga homoi nohoi, khas kurikina Manipur nisna rajya te. Etu tu rajya ke wapas thik kuribole laga homoi asey aro bhak kuridibole laga harkat kuribole laga nohoi.”
Rahul Gandhi tu Imphal laga Bir Tikendrajit International Airport tr pungchikina tailaga Bharat Jodo Nyay Yatra suru kurisey. Etu yatra te naukri napa, saman khan laga daam utha aro samajik nyay kora nisna samaj laga problem khan ke thik kuribole aim korey. Aro etu yatra tu election nimitey nohoikina ideological asey.
Congress para etu safa safi koidisey ki etu yatra kora laga maksat tu Lok Sabha polls ahibole ageyte Narendra Modi para chola sarkar laga under te “anyay kaal”(anyay kora laga homoi) ke khotom kuribole laga asey. Etu bodli anidiya laga yatra te bus aro theng para 6,713 km cover kuribole asey.
Add Comment