Tura, 20 April : Kitia Lok Sabha Elections shuru hui asey, Meghalaya Chief Minister Conrad K Sangma toh que dey 6:30 AM para luina rukhi thakia dikhi paishey, Walbakgre polling station dey Tura, tai laga vote cast kuriboley.
General Elections laga first phase karney voting toh 7 am nationwide dey shuru huishey, 102 constituencies, 21 states aro union territories dey aro itu polling toh aji 4 pm tak thakibo.
Meghalaya CM para media ke kuishey ki tai laga ballot cast kuriboley polling station dey julti jaishey huilewi voters khan taikhan laga voting right chulawoley line dey uthi thakia dikhia piche dey asorit huishey.
Tai electorate ke polling booths dey ahiwoley appeal kurishey itu democratic process dey participate kuriboley aro taikhan laga civic duty fulfill kuriboley.
Conrad K Sangma laga alawa, Sitting Tura MP aro NPP candidate Agatha K. Sangma bhi Walbakgre polling station julti 7.30 am dey pahunjishey aro tai laga ballot cast kuriboley tai que dey rukhi thakia dikhi paishey.
Itu Tura MP para media ke kuishey ki Meghalaya state laga manu khan bishi ahishey.
Agatha K. Sangma agey dey kuisheh ki itu toh positive sign agey bishi manu khan taikhan laga franchise ke exercise kuriboley bahar ula toh, Assembly elections ke compare kurina.
Add Comment