TURA | Oct 28, 2019: Meghalya Chief Minister, Conrad K Sangma para Tura Jail road bonabole kotha kurishe etu bi locals khan para Tura, WGH laga road condition biya huwa laga kotha kura pichede.
Etu Jail Road Tura toh sobse biya wala section ase Tura bithor te aro etu toh CM, South Tura laga constituency bithor te ase .Etu raasta biya huwa laga condition videos toh social media te circulate hoishe etu toh Meghalaya Pradesh Youth Congress (MPYC) para present government ke tai khan laga wadaaa kura laga uporte sawal uthaishe.
CM aro tai logote officials khan juwa saam te raasta te jaishe social media te post nakura akhe te . North Tura MLA, Thomas Sangma toh tai logote ase.
Conrad para post kurishe ki “Jail road laga raasta toh siashe aro officials aro local leaders khan ke etu chamela te solution olabole kotha koishe etu raasta bonabole nimete .”
Etu area locals kun khan logote raasta laga kotha kura time te relief hoishe etu jaa pichede aro bhabona kurishe etu chamela toh urgent basis te lobole nimete.Ekta local te akhe jaikena koishe etu raasta toh bishi sal pichede bonabole ase .
“Etu toh tura laga important raasta aro part ase .Ami khan nabujeh kile etu section te neglect kurishe .Etu te sob PWD laga officers khan etu raasta laga state janaishe hoilebi CM laga rank nishena lageh etu chamela toh seriously lobole nimete .Etu para dikhai ami khan laga department khan kinia kaam kuri ase.”
Locals khan para nearby Sunny Hills locality laga kotha kurishe etu te enika nishena chamel olaishe etu te locals khan para former MLAs ke bodnam kurishe.
Tura town toh Garo Hills laga important destination ase aro etu te town laga raasta khan ke biya huwa dikhishe .Aro akhe te bon toh hudai lui thakishe etu chamela toh bodli kurishe khali cosmetic repairs loikena etu bi kunba sections khan te .
Etia Tura laga raasta khan te potholes khan ase etu toh town nimete first ase.
Add Comment