August 02, 2025, 07:00 PM: Ekta significant move tey, education sector majbut kuriboley, Nagaland tey, CM – Dr. Neiphiu Rio ara virtual para 51 school infrastructure khan inaugurate kurishey, kuntu toh hoiley Samagra Shiksha under tey fund kuria laga thakishey, 2nd August, 2025 tey.
Itu inauguration programme tey kotha kuri kena, kuntu toh hoiley Chief Minister’s Residential Complex, Kohima tey para loishey, CM Rio para state kurishey ki, itu toh hoiley ekta significant step asey, itu chuli thaka journey tey, education infrastructure majbut kuria laga toh, tai para tai laga gratitude bhi extend kurishey, India laga Government ke, itu continue support diya nimitey. Tai para Samagra Shiksha team laga effort khan ke commend kurishey, kuntu toh hoiley itu State Mission Director, L Jamithung Lotha para chulai jaishey.
Itu event tey kotha kuri kena School Education & SCERT nimitey Advisor – Dr. Kekhrielhoulie Yhome para inform kurishey ki, 16,087 room khan government school khan tey, 13,767 rooms khan instructional purpose nimitey chulaishey.
Add Comment