Guwahati, January 7 : Akhil Asom Kalwar Samaj laga 4th Central General Meeting te kora ekta announcement te, Assam laga Chief Minister Himanta Biswa Sarma para Assam te crime(jurum kora) rate ekdam komti hoisey koikina janaisey. CM Sarma para koisey ki crime loogotey jurikina thaka police case khan tu 2022 te 1.5 lakh thakisey. 2023 te etu crime rate tu komti hoikina 60,000 hoijaisey. Etu matlab tu 2022 laga mukabala te 2023 te jurum laga rate tu 50% komti hoijaisey.
Etu Chief Minister para biswas janaisey ki 2024 te Assam laga crime(jurum kora) graph tu zero hoijabo. Aro rajya te enaka mohol banabo kotey kun manu bi criminal(apradh laga) kaam te shamil hobo himat nukuribo.
Assam laga Dhekiajuli jag ate thaka Bhotpara Stadium te jama huwa manu khan ke kotha kurikina, CM Sarma para Assam te development aro shanti aha laga credit tu Prime Minister Narendra Modi laga leadership ke disey. Tai para bisi jaga ke shanti thaka area te bodli kuridiya tu janaisey kuntu te Bodoland, Dima Hasao aro Karbi Anglong bi shamil asey. Aro Modi pra desh ke chola suru huwa picheyte upper Assam te bomb blast aro guli mara mari huwa laga ghotna khan naola hoisey koisey.
CM Himanta Biswa Sarma para 2023 te etihasik kamyabi hasil kora tu yaad kurisey jitya ekta bi atangwadi ghotna, security personeel khan mora aro pura seher bandh huwa laga ghotna olanai. Tai para etu shanti laga mohol tu Prime Minister Narendra Modi aro alag alag community khan para milikina kaam kora nimitey asey koisey.
Agey barikina, CM Sarma para Kalwar Samaj laga manu khan ke Assam laga development nimitey active para kaam kuribole request kurisey. Tai para rajya te progress huwa tu janaisey jaiseki ULFA logotey baat chit kora te kamyab hoikina shanti laga agreement kora. Tai para drug trafficking, culture te bodli anibole laga kosis aro gaas khan kata nisna problem khan ke dur kuribole laga kosis nimitey bi tariff kurisey. Aro juwa 3 years te 68,000 hectare mati tu tatey illegal tarika para boha manu khan ke hataidikina khali kora laga bi kotha koisey.
Add Comment