New Delhi: Tuesday din Delhi government para social security scheme ekta kulikena portal te COVID-19 bemari para mora manuh laga ghor manuh khan logot financial assistance thiboli ase koikena khobor para janaishe. Media logot kotha kora samai, Chief Minister Arvind Kejriwal para koishe ke, ‘Mukhyamantri COVID-19 Pariwar Aarthik Sahayata Yojana’ pithor te city government para Covid-19 bemar para mora laga ghor manuh khan ke financial assistance thiboli janaishe. Chief Minister Arvind Kejriwal para janaishe ke, Covid-19 bemar para mora laga ghor manuh sob ke Rs 50,000 thibo aro etu oper te jodi mora manuh toh ghor te tai ekla kamai thaka samai morikena thakile hotai moina Rs 2,500 para motob koriboli janaishe. Etu policy pithor te, bacha kaun baba aro ama morishe nahoile ekla ama/baba Covid-19 bemar para morikena thakile etu bacha khan logot be Rs 2,500 toh 25 umer dak pai thakibo koishe. Hotai moina motob pai thaka toh jodi etu bacha toh 25 umer pongchile rokibo aro etu oper te government para etu bacha khan laga education toh be sabo koikena, CM para janaishe. “besi bacha khan baba/ama nathaka bacha hoishe aro ghor te kamai kori thaka morishe, etu neshina case te government para motob koribo aro etu nemite scheme toh bonaishe. Ami khan para portal ekta bonai ase aro etu te manuh khan para financial assistance bapoli nemite apply koribe, ami khan laga representatives para etu neshina familes te visit korikena application toh filled up koribo,” koikena tai para aro khobor toh janaishe. Chief Minister para koishe ke, representatives khan para etu kam te jodi document harikena thakile reject nakoribo, hoilebi etu kam nemite motob koribo koishe. Health Department para Covid bemar para morikena thaka khan laga nam list toh Department of Social Welfare logot share korikena verification loboli janaishe.
Add Comment