CM logot lok kurishe NH–62 nimete

TURA, September 29, 2018: East Garo Hills laga Rongjeng bithor te thaka alag alag organisation kubi GSU, FKJGP, AAYF, ASCOR aro NH-62 SMC khan pora Thursday te cheif minister ke lok paishe memorandum dibole nimete .Etu memorandum te tai khan pora bonabole thaka raasta(National Highway -62 ) toh bodli kuridibi koikena .Etu toh etia aro bi dangor hobole ase raasta toh ahibole thaka din phaleh .NGO khan pora aro bi ekta memorandum dishe CM, Conrad Sangma etu raasta bodli kuribole laga chamela sai dibole karne.”Etu raasta dangor kuribole aro bonabole chuli thakishe koile bishi ola public institutions aro jaka khan hari jabo etu mati luwa karne raasta bonabole nimete .Etu jaka laga important public properties khan toh 3km Ronjeng Reserve pora Upper Rongjeng tak jaikena ase ,”NGO khan memo te koikena janaishe .NGO khan kuwa hisaab te Community Health Centre (CHC), Holy Family Church, Veterinary Compound, Rongjeng Govt ME School, Block Resource Centre, United Higher Secondary, Meghalaya Co operative Apex Bank, Vivian Vivid Academy, Darusak Bandasal LP School khan sob khatara te ase khotom hoijabole karne .NGO khan aro koishe ki mati khan thik thak nathaka nimete dikdaar pai thakishe ,Aro MeECL aro SBI khan ki mati bisari ase tai khan laga office bonabole karne hoilebi paranai.Etu mati nathaka nimete etu kaam kuri thaka toh rukhi jaishe .Aro gaari khan rukhibole thik thak jaka nathaka karne traffic bi dikdaar pai thakishe.NGO pora ekta resolution mangise Rongjeng te gaari khan park kuribole nimete .NGO pora aro bi bodnam kurishe enika raasta kan bonabole allow kura toh etu eki jaka te diversion nathakikena .Etu group pora aro bi compensation chamela nimete kotha koishe mati hara manu khan karne NH 44 te etu te kun ba mati malik khan toh poisa pabole ase.