March 24, 2025, 05:40 PM: Chief Minister’s Mobile Operation Theatre (CM-MOT) camp, kuntu toh hoiley MLA – Dr. Tseilhoutuo Rhutso para matha kuri kena chulai jai asey, itu toh hoiley shuru hoishey, Noklak tey, 24th March, 2025 tey.
Itu launch kuria laga programme tey kotha kuri kena, Dr. Tseilhoutuo Rhutso para koishey ki, CMOT toh hoiley ekta programme asey, manu khan ke punchiboley karney, kun khan toh hoiley medical tey modod lagi asey tai khan karney, sob para bishi remote jaga khan tey thaka khan karney bhi, bhal medical facility khan access paboley karney, financial problem khan karney aru alag kunba reason khan para. Itu nimitey, itu CMOT toh hoiley initiate kuria laga thakishey, Nagaland laga Chief Minister laga sponsorship logotey. Tai para aru koishey ki, itu CMOT programme para, tai laga team toh hoiley Noklak tey punchishey, health services khan diboley karney, utu manu khan ke, kun khan toh hoiley medical help lagi asey. Tai para tai laga team laga doctors, specialists aru medical expert khan ke bhi introduce kurishey, itu team laga, kun toh hoiley Kohima para asey.
Itu programme toh hoiley CMO Noklak, Dr. Victor NC para chair kuria laga thakishey aru Itu event tey Deputy Commissioner Noklak, Arikumba, GBs, Khiamniungan Tribal Council, KMH, KSU aru medical staff khan para attend kuria laga thakishey. Itu Chief Minister laga Mobile Operation Theatre camp toh hoiley 25th, March, 2025 tak thakiboley asey koishey.
Add Comment