CM Nimitey Advisor – Abu Metha Para Tribute Pay Kurishey, Late Governor – La Ganesan Ke

August 17, 2025, 07:13 PM: Chief Minister karney Advisor aru IDAN laga Chairman – Abu Metha para mon dukh thaka laga express kurishey, Governor – Thiru La. Ganesan muria laga jani pai kena. Tai para koishey ki, itu toh hoiley ekta bishi dangor loss asey, Late La Ganesan muri jawa toh, aru tai ke jani kena thaka sob manu khan laga bhi bishi loss hoa laga asey, koi kena janaishey. Ekta mon chuwa laga message tey, Metha para itu late Governor logotey bhal para jana chinna thaka laga yaad kurishey, tai Raj Bhavan, Kohima tey kaam kuria homoi tey. “Bishi saal para, moi khan ekta warm aru positive relationship develop kuria laga thakishey, mutual respect aru bisas para mark kuri kena”, Metha para state kurishey. Metha para yaad kurishey, tai khan interact kuria laga, culture, art, sport, aru development laga discussion khan kuria khan laga, major programme khan aru event tey collaborate kuri kena kaam khan kuriboley, Nagaland tey. “Fujur laga breakfast para shaam laga musical homoi tak aru dedicatory service khan thaki kena, sob occasion toh hoiley, tai laga presence aru wisdom para enrich thakishey” Metha para janaishey.