CM Para NLTP Act Opor Tey Remark Khan Dishey

August 28, 2024: ‘Health Hazards of Spurious Liquor’, opor tey kotha kuri kena, Chief Minsiter – Neiphiu Rio para koishey ki, itu Nagaland Liquor Total Prohibition (NLTP) Act, 1989 toh hoiley social issue khan ke address kuriboley laga bhabana tey enact kuria laga thakishey, alcohol abuse laga relate tey address kuri kena. Tai para koishey, itu Act dhala para mudu kahawa laga bimar khan komti kuriboley laga karney thakishey, aru itu para community laga health improve kuriboley karney alag manu khan bhitor tey aru itu policy toh hoiley utu homoi laga time nimitey he dhala laga thakishey. Rio para koishey, bishi bhak toh common citizen khan he suffer kurey, alag alag bimar khan para, itu illicit liquor khawa para. Tai para koishey ek jon ek jon ke anguli dikhai thaka para toh, sob eke logotey ahi kena kotha mila bhal asey koishey, eneka hoiley hey tai khan collective para aru resolute para problem khan address kuriboley paribo aru itu society ke free kuriboley paribo, itu spurious aru illicit liquor laga hazard khan para.