CM pora state cab service olaishe

IMPHAL, November 21, 2018: Manipur sorkar pora juwan chokra khan ke kaam dibole karne  ekta  Manipur Cab Services shuru kuribole bhabi ase .Etu cab service toh  Manipur Chief Minister N Biren Singh pora Manipur State Film Development Society Hall, Palace Compound Imphal  te olaidishe .Etu nutun ola  Manipur Cab Service toh  Imphal Finance Co-op Thrift & Credit Society Ltd laga ase  .Etu service ola time te  chief minister koishe  ki  Manipur laga kaam nakura youths khan logote bishi talent khan ase  Etu toh poila laga sorkar khan okobi najani kena thakishe  .Etu uporte okobi  facility khan thakanai  etu okobi kaam nakura juwan manu khan nimete  poila laga sorkar khan pora aro  Singh koishe  tai khan sob manu khan ke poisa kaamabole karne opportunity etu pora .Cm pora aro  koishe tai laga sorkar khan pora  etu manu khan ke tai khan laga talents khan dikhabole nimete space dishe   dusra desh khan ke aro koishe tai khan laga sorkar khan pora Manipur Start-up Policy shuru kurishe   entrepreneurs khan ke mon dangor kuridibole nimete  .Khobor hisaab te komti hoilebi  4000 entreprenuers khan  Start-up Policy laga second phase nimete apply kurikena ase  aro etu ekta bhal khobor ase state nimete  .Tai aro koishe   Etu toh aha 4 pora 5  sal tak chuli thakile toh  Manipur khan ekta  fully employed state hoijabo.