October 24, 2023 : Chief Minister Neiphiu Rio para 75 saal laga Platinum Jubilee celebration graced kurishey, itu Yimkhiung Tribal Council (YTC) laga, tatey Special Guest thaki kena, Shamator HQ tey, 24th October, 2023 tey.
Itu inaugural occasion tey kotha kuri kena, itu Chief Minister para itu Yimkhiung Tribal Council aru itu Yimkhiung manu khan ke congratulate kurishey, itu 75 saal laga Platinum Jubilee celebrate kuria opor tey.
Shamator ekta notun district thaki kena, tai para itu manu khan ke unite hoboley matishey aru eke logotey mili kena kaam kuriboley, itu district laga progress nimitey. Tai para state kurishey ki, sob district toh hoiley ekta government college thakiboley lagey, aru itu laga end phaley, itu government toh hoiley kaam kurishey, ekta Government college set up kuriboley karney, Shamator district tey.
Alaga lag schemes khan highlight kuri kena, itu government laga, Rio para itu jama kuria manu khan ke encourage kurishey, itu khan scheme laga benefit toh avail kuriboley karney, aru advantage loboley koishey, free medical treatment khan laga, itu Chief Minister’s Health Insurance Scheme (CMHIS) under laga.
Add Comment