Headlines

CM Rio pora 2 lane Diversion karne kotha janaise

September 25, 2018

SHILLONG, SEPTEMBER 25 : Chief Minister Neiphiu Rio pora National Highways aro SARDP Road Projects kan nemite ki-ki saa karne meeting mana time te alak-alak kotha ulaidese aro janaidese. Etubi Nitin Gadkari, Union Minister for Road Transport aro Highways, Shipping, Water Resources, River Development aro Ganga Rejuvenation aro tusera Officials kan MoRTH kan logot meeting mana time te. Etubi State Convention Centre, Shillong te Monday din mana time te.

Etu ke Chief Minister Rio pora 2 lane Diversion kobi ROB koi kena Amar Flour Mill, Nagaland Check gate osor laga pora Burma Camp dak laga toh banabole nemite kotha janaide. Etubi NH 29, EPC Mode laga. Tai bi etu NH 129 aro NH 29 2 ta toh Dimapur City bar kurikena jaa laga ase. Aro etu toh Nagaland state te ekta dangor Commercial Hub ase. Aro etu rasta pora Nagaland state logot Assam laga 2 ta District kobi Karbi Anglong aro Golaghat ke melekena thaka laga ase koi kena janaide thakise. Etu pora tai etu rasta toh botli kuride kena sabole lagi koi kena janaise. Kele etu pora Dimapur City Traffic ke bhal hobo aro kari kan besi jaam kurikena thaka toh komti huijabo aro diktar nahobo koi kena. Aro etu oporte Bus kan Inter State Bus Terminus (ISBT) te kusa kebi eku diktar nahui kena aramse jabole bara huijabo ko kena.

CM Rio bi etu oporte ekta Toll Gate bi Poisa (Revenue) chama kuribole nemite banaidebo koi kena janaise. Etubi rasta laga maintenance nemite aro MoRTH kan etu nemite poisa bhelaide kena (made investment) thaka wabas khoraidebole nemite koi kena.

CM Rio porabi 6 ta rasta kan Nagaland laga toh National Highways hisabte anedebole karne kotha janaise. Kele etu rasta kanbi ekta asul rasta kan ami kan berabole laga ase koi kena. Aro etu rasta kan toh (i) Showuba-Guzunyu-Pughoboto-Zunheboto-Aghunato-Noklak-Pangsha – 200 kms; (ii) Trans-Eastern Highway kobi Mon-Longwa-Pangsha-Kiphire-Avangkhu – 280 kms; (iii) NH- 29 pora NH-29 (Dimapur Bye Pass) – 2.7 kms; (iv) Gandhi Ashram-Chuchuyimlang (NH-2) pora Pangsha (ITC) – 167 kms; (v) Maibong-Tening, Nagaland laga pora Tamenglong via Tamei in Manipur – 75 kms dak laga; aro (vi) Ramani Ali Simulguri – Bihubor, Assam pora Mon, Nagaland – 71 kms dak kan.