DIMAPUR, OCTOBER 9 : Department of Administrative Reforms aro Public Grievances (DARPG), Government of India kan Government of Nagaland logot eke pora Regional Conference toh October 10-11, Kohima te manabole ase. Aro etu din toh Nagaland Chief Minister Neiphiu Rio pora aji Wednesday, October 10, 10:00 am paji phale pora suru kuridebole ase. Etubi 2 din nemite. Aro etu din te ahe kena thaka kan sob ke bi KV Eapen, Secretary, D/O Administrative Reforms & Public Grievances pora kotha kuribole ase koise.
Etu Regional Conference te 8 North Eastern States laga Delegates kan ahe kena hisha kuribole ase. Aro etu 2 din Conference te 7 Technical Sessions thakibole ase koise. Ahke wala Conference din te 12 Presentations kan 5 session te manaidebole ase. Etu bejete Panel Discussion thakibo. Aro etu Technical Session laga Sub Themes kan toh Capacity building/technology/best practices kan ase koise.
Etu bejete 2 din wala Conference te 5 Presentations kan manabole ase. Etubi Transforming Aspirational Districts aro Good Governance Initiatives laga hisabte. Aro etu bejete Panel Discussion thakibo. Etu khotum kuribole laga time te Chief Secretary, Government of Nagaland R. Binchilo Thong aro Additional Secretary DARPG Vasudha Mishra pora kotha kuribole ase koise.
Add Comment