Headlines

CM Wakching te meeting manaise

September 28, 2018

MON, SEPTEMBER 28 : Nagaland Chief Minister Neiphiu Rio toh Wakching Area Village Councils, Konyak Union aro District Administration, Mon laga kan logot meeting manaise. Etubi 27th September 2018 te Conference Hall, DC Office, Mon te. Aro etu meeting mana toh National Highways (SARD-NE) Merankong-Tamlu-Mon rasta, Wakching Area te banabole karne kotha mela kuribole karne mana laga ase koise.

CM pora etu meeting te Sorkar kan etu rasta kan Wakching jaka te banabole karne manibole kuri ase. Etu karne tai etu rasta nemite kotha lekhe kena Sorkar ke dedebole 1 habta majutte time de ase koi kena janaise.

Etu meeting te bi CM pora Sorkar pora rasta kan nemite bhal pora Nagaland state te banaidebole kuri ase. Etu karne tai ami kan Naga manu kan ke mon mela-mele kurikena thakibole kuribi. Etubi ami kan neju jaka bhal te ahkete luijabole karne. Etubi rasta nemite asulte (especially) koi kena janaide thakise.

Social Work hisabte kotha kurikena CM Rio pora District Administrations, heads of Offices kan alak-alak Departments laga, Police, NGOs, Contractors aro General Public kan ke ki-ki latera-batera kan sabha kuribole karne hisha kurikena thakibole kuribi koi kena janaide. Etubi 29th September pora suru kurikena 2nd October 2018 dak nemite.

CM Rio porabi Nagaland state toh ekta “No Plastic” koi kena plastics kan nathaka jaka huijabole ase. Etubi November pora suru kurikena. Etu karne tai plastic kan najulai kena tusera opai besaribole kuribi. Etubi bamboo nahuile tusera saman kan ami kan neju bosti pora ula saman kan julabole kuribi koi kena. Etu karne tai bi Entrepreneurs kan etu plastic najulai kena tusera saman kan julabole karne saman ulabole karne kuribi. Aro etu Entrepreneurs kan laga naam toh Sorkar kan ke janaidebole kuribi koi kena janaide thakise. Tai bi Inner Line Permit (ILP) kan nemite District te bhal te sabole kuribi. Aro khor malik kan aro tusera kan ke asulte etu ILP nemite ekdam husir kurikena thakibole kuribi koi kena janaide thakise.

Tai bi Economy (poisa) laga dukh ami kan Naga manu diktar baa laga kotha janaise. Etu ke tai besi jun Naga manu Sorkar kam hi besaribole kuri. Huilebi Sorkar kam kura manu kan neju bacha ke Sorkar Schools te nabatai, NST Buses pora naberai aro Sorkar Hospital te sabole najai koi kena janaide thakise.

Etu din te CM logot Ministers Pangnyu Phom, Paiwang Konyak, Tongpang Ozukum, Noke Wangnao, Advisors Pohwang Konyak, Bongkhao Konyak aro Chingwang Konyak, President NDPP & Chairman PDA, Government Officials kan eke pora melekena thakise. Aro etu meeting te General Manager aro officials kan HNIDCL laga kan bi ahe kena thakise. Aro etu meeting toh DC Mon, Thavaseelan K, IAS pora ahkete luijai kena manaidese koise.