November 27, 2023 : Confederation of Nagaland Chamber of Commerce aru Industry (CNCCI) para Sunday tey koishey ki, tai khan toh hoiley pura puri Mokokchung Chamber of Commerce aru Industry ke support kuribo, itu Tez, Talab aru tobacco products khan laga ban kuria toh NSCN (I-M) para, itu opor tey khara kuribo koi asey.
Itu clarify kuri kena ki, CNCCI aru MCCI toh hoiley tobacco product khan toh manu khan ke khaboley karney promote kuria nai, itu trade body para NSCN (I-M) ke remind kurishey ki tobacco laga related product khan toh hoiley legal product khan asey kiniboley para laga aru itu khan toh hoiley retail kuri kena asey Goods aru Service Tax khan pay kuri kena, aru itu khan legal para bikai asey kuntu toh hoiley Cigarette aru Alag Tobacco Products Act (COTPA) regulation follow kuri kena.
Judi bhi bhabana toh bhal thakishey koiley bhi, CNCCi para point out kurishey ki, eneka nishina product khan ke ban kuriboley laga attempt kuria toh hoiley condemn kurishey aru itu business community para welcome nakurey eneka nishina act toh. Aru bhi NSCN (I-M) ke remind kurishey ki, itu business community para toh hoiley hudai supportive thaki kena ahishey, ekta early solution laga, itu Indo- Naga political issue ke, itu trade body para koishey ki, itu former toh tai khan laga resources aru energy ke focus kuriboley lagey, aerly solution aniboley karney, kuntu toh hoiley sob Naga nimitey aspiration asey, eneka nishina matters aru issue khan tey gushi thaka para toh, kuntu toh eku bhi connection nai Naga political aspiration aru solution logotey.
Add Comment