India, 14 May 2025: Tinta saal pichete Aamir Khan wapas ahi ase Sitaare Zameen Par trailer logot, aru fans beshi excited ase. Etya laga films te Aamir juntu emotional aru meaningful story loi ahishe, etia bhi ekta special story loi ahi ase. Etu movie to 2007 te ahi thaka laga hit film Taare Zameen Par laga spiritual sequel ase. Kintu etia, Aamir ekta strict aru frustrated basketball coach bonaishe, juntu pura alag ase tai laga alag kind teacher role pora.
Sitaare Zameen Par te Aamir ekta team 10 intellectually disabled laka bacha khan ke train kore, juntu logot tai bi bhal pora grow aru sikhe. Genelia Deshmukh bhi film te ase, kintu fans khan koishe ki trailer te tai bishi dekha nai. Hoilebi, bishi manu trailer ke bhal lagishe – emotional dialogue, fresh story, aru ekta wholesome feeling bhi ase.
Juntu fans khan action movie pora bore hoishe, taikhan nimite etu film ekta feel-good movie nishena lagishe. Online te comment khan bishi positive ase. Ekjon likhise, “Finally, ekta alag aru touching movie ahibo ase!”
Kintu, sob manu khushi nohoi. Konba manu koishe Aamir laga acting PK aru Laal Singh Chaddha jotor nishena lagishe. Tai laga expression unnatural aru bishi drama hoishe koi ase. Ekjon fan koishe, “Kile tai laga sukhu sob time bishi dangor thake? Dekhibole fake nishena lagishe.”
Jodi bishi manu hope ase etu film awareness anibo disabilities laga opor te, kintu fans dukhi ase ki Aamir hotai same acting style te stuck thaki ase. Hoilebi, Sitaare Zameen Par already ekta bishi buzz banai dishe, aru manu eagerly wait kurishe watch kuribole.
Add Comment