Andaman and Nicobar Island, 25 November 2024: Major anti-narcotics operation te, Indian Coast Guard (ICG) khan pra vessel seize kuri shey, etu lokot six Myanmarese crew kun khan 6,000 kg contraband Methamphetamine bhuiki thaki shey Andaman and Nicobar Islands laka osor te, official khan janai dishey Monday din te.
Drugs toh 3,000 packets nishina te paishey aro ekta laka 2 kg thaki shey, etu khan international market te bishi crore worth ase.
November 23 te, Coast Guard Dornier aircraft laka pilot routine patrolling kura time te, Barren Island laka osor te fishing trawler laka suspicious movement dikhi paishey, Port Blair pra 150 km osor ase, Defence Official pra koishey.
Trawler ke warn kuri shey aro tai laka speed toh komti kuribi koishey, etu hwa time te pilot pra Andaman and Nicobar Command khan ke janai dishey. Ekbar she, osor laka fast patrolling vessel khan Barren Island laka side te ahi jaishey aro fishing trawler ke Port Blair te tow kuribo dishey November 24 te, investigation nimite, official pra koishey.
Defence official pra koishey, taikhan six Myanmerese national ke dhuri shey fishing trawler par aro bisas kuri ase etu methamphetamine th India aro tai laka osor countries khan nimite ase. taikhan Andaman and Nicobar Police khan ke janai dishey joint interrogation karne.
Add Comment