Visakhapatnam, Andhra Pradesh: Officials koishe cyclone Fani para north coast te thaka Andhra Pradesh laga kunba jaga khan te bhari baris dishe. Friday fursur Puri osor thaka Odisha coast te Cyclone Fani toh pungchishe. Aro etu toofan nimite ghas aro electricity polls khan toh gerai dishe.
Odisha te cyclone Fani na-aha agay te cyclone toh Andhra laga north coastal jaga osor te ahishe.
Hawa laga tagot toh ekdam dangor thaka nimite Srikaklam district te thaka coastal jaga te ekdam bhari beya (damage) kurishe.
Srikakulam District Collector J. Nivas koishe etu toofan te teenta nisina ghor khan toh biya kuri dishe. Hoile bhi manu khan mura toh etiya tok eku khobor nai.
Srikakulam district te 20,000 nisina manu khan ke 126 relief camps te pothai dishe. Aro etu jaga te saatha ‘mandals’ (blocks) khan toh cyclone nimite affect hoishe. District te red alert dishe aro authorities khan manu khan ke bachai kena rakhibole aro komti saman khan toh nuksan hubole nimite alak alak opai khan besari rakhi ase.
National Disaster Response Force (NDRF) khan Srikakulam te thaka Kotturu Mandal te relief operation khan luwa suru kurishe.
Real Time Governance Society (RTGS) officials hesab te Amaravati, Srikakulam laga Kanchili ‘mandal’ te jua din te bishi bhari baris hoishe.
Officials koishe bhari baris nimite Vamsadhara aro Nagavali nodi toh overflow kuri dibole pare aro etu nimite etu jaga khan te flood ahibole pare.
Thursday din para Vizianagaram aro Visakhapatnam te ekdam bhari baris hoishe. Andhra laga north coast te thaka dusra duita districts khan bhi affect hoishe.
Indian Railways para Friday aro Saturday laga 100 nisina trains khan cancel kurishe. Etu trains khan toh Visakhapatnam aro Howrah majote ase.
Authorities khan para Visakhapatnam Airport para 22 nisina flights khan cancel kuri dishe.
Add Comment