New Delhi, 2 June : Cocktail 2 Bollywood te ekta popular romantic drama Cocktail (2012) laga sequel ase. Filmmaker Homi Adajania etiya Cocktail 2 laga trailer release kori dise, juntu te Shahid Kapoor, Kriti Sanon aru Rashmika Mandanna majot thaka complicated relationship dikhaise.
Trailer suru te Shahid laga character pora relationship aru bhal paowa loi kotha pati. Tai voiceover te koi ki notun relationship exciting thake karon notun hoi. Notun dost laga kahani hunibole bhal lage, kintu purana dost laga eku kahani bar-bar huni thakile bore lage.
Itu pichete trailer Italy laga sundor location khan te jai, kot Shahid, Kriti aru Rashmika eki logot time spend kori thaka dikhai. Shahid aru Rashmika romantic relationship te ase kuina lage, kintu Kriti Shahid laga close dost hoi aste-aste tai upor feelings develop kori thake. Itu pora tinjon laga majot tension aru emotional conflict shuru hoi jai.
Kriti aru Rashmika duijon Shahid laga bhal paowa jite bole try kori thaka dikhai. Dujon bhi Shahid logot future lage kuina bhabi ase. Trailer khotom te duijon argument kori thaka dikhai, kun Shahid laga bride hobo, etu loi. Shahid etiya ekta dangor decision lobole thakibo.
Trailer te original Cocktail laga famous gaana “Tum Hi Ho Bandhu” bhi use kori ase, juntu 2012 laga film laga fan khan ke nostalgic feel dise.
Cocktail 2 original Cocktail laga spiritual sequel ase. Original film te Saif Ali Khan, Deepika Padukone aru Diana Penty acting kori thakise. Film tu critical aru commercial duita side te hit hoise, worldwide ₹121 crore collect kori thakise ₹45 crore budget pora.
Notun film tu Dinesh Vijan, Luv Ranjan, Pramita R. Vijan aru Ankur Garg produce kori ase, aru music Pritam compose kori ase. Film tu June 1 te theatres te release hobo.
