Wuhan, 13 October : Coco Gauff Sunday din Jessica Pegula ke 6-4, 7-5 te harai loise aru Wuhan Open te all-American final te nijor career laga third WTA 1000 title jiti loise.
Third-seeded Gauff central China laga itu city te 1 hour 42 minute laga intense match te ekta bhi set haranai, trophy secure kori loise. Itu hobo pehla bar kitia dujon former doubles partner khan final te face kori thakise. Second set te Gauff multiple deficit erase kori, Pegula logot head-to-head record 3-4 te improve kori loise.
21 saal laga itu player Open Era te first nine hard-court finals jiti thaka pehla mahila hobo. Duijon laga route final te pura alag thakise — Gauff easy te breeze kori jaise, total 16 games he lose kori thakise, kitia Pegula tai laga last 8 match sob te three-set battle face kori thakise.
Match shuru te Gauff first six points jiti loi thakise aru itu dominance te 3-0 lead loise. Pegula slow start pora recover kori game seven te fierce backhand winner laga help te break kori 4-4 te equal hoise. Sixth seed Pegula momentum loi thaka nisina lagise, kintu Gauff next duita game te ekta small opening find kori break kori first set 47 minute te jiti loise.
Pegula agey din world number one Aryna Sabalenka upor te 2-5 pora comeback kori thakise, tai aru ekbar fightback te ready thakise. Gauff (world number three) double-fault six times kori loise, aru itu Pegula ke duibar break dibole chance dise, 3-0 lead loi thakise. Kintu Gauff steady hoi duibar break back kori match level kori loise.
Duita side pora aru break exchange hoise — Pegula ekta clever drop shot pora lead loi thakise, kintu Gauff-e 10 consecutive points jiti taike bari jaise. Kunba time piche te, Pegula laga volley match point te wide jaina, Gauf haat uthaikene celebrate kori loise.
Add Comment