United States, 4 September : Coco Gauff toh first American chukri ase Serena Williams bichide tuita decades aro etu para bi bishi wala US open quarterfinals tae tui saal ekta row tae hei punchishe, toh etu 19 saal maiki florida para thaka toh, tai janey tai laga rasta ton tennis court tae aro eku diktar natakebole.
Second set toh slip hoi jaishey caroline Wozniacki laga against tae fourth round tae sunday din tae Arthur Ashe Stadium tae, Gauff toh ekta chance lagi thakishey ki ki hoi ase utu ekbar pabibole, ekta break handing kura bichide ekta double faults pair logot, aro ekta stumble kuntu para tai kae splits toh kuribole dishey.
Gauff toh tai laga osor constant chatter laga direction tae turn kurishe kuntu Brad Gilbert para ahi thakishey a, tai laga ekta coach toj front row seat tae buhi thakishey aro koishey “Please stop.” Aro olop time thaka bichide, Gauff para koishey, ” kuta kura toh stop kuribi,”
Etu toh hoishey kitya Wozniacki para charda consecutive games grab kuri thakishey third set thak break kuribole. Aro etu time tae, match kuntu slip kuri thakishey kunba unforced galti khan karoney, Gauff para tai laga strokes khan toh sita kurishey aro rasta panaishey. Tai para last six games toh collect kurishey 6-3,3-6,6-1 jeet paishey Wozniacki laga against, etu 33 year old amma tuita bacha laga aro aji kali hei retirement para pahar ahishey.
“Moi frustrate hoi thakishey. Etu toh tai kae direct kura thaka nahoi. Etu toh kali moi reset kuribole mun thakishey, “etu toh sixth-seeded Gauff para koishey . “Utu moment tae, moi eku huni bole mun thakanai. Moi kali moi ki kuri ase utu pabibole mun thakishey,”
Tai laga next opponent toh defending champion Oga Swiatek nahoi lae No.2 seed Jelena Ostapenko hubo. Top- seeded Swiatek toh schedule hui kina thakishey Ostapenko logot tae face kuribole sunday rati tae, 23- tike Grand slam Champion Novak Djokovic para qualifier Borna Gojo bichide.
Gauff, kun para tai laga best thikaishey final 2022 french open tae punchi kina Swiatek logot tae lose nahua time tae, etia tai laga 15 games jidishey tai laga 16 matches para.
Utu run para first round exit Wimbledon tae follow kurey July tae aro tuita sob sae dangor wala titles include Kurey tai laga career tae, DC open tae aro Cincinnati tae. Etu aro coincides kurey additions Pere Riba logot tai laga full time coach ato Gilbert ekta role tae kuntu describe kui kina ase ekta temporary consultant kuri kina.
Wozniacki laga against, 2018 Australian Open Champion aro tui par runner up New york tae, Gauff toh try kuri thakishey ekta right balance pabole aggressor hubolae (tai ki lagi thakishey)aro bishi nakuri dibo lae kaeoney (kuntu Gilbert para laki thakishey) etu laga beech tae.
Gilbert laga “scouting reports khan toh bishi accurate ase,” Gauff para koishey. “Kityaba toh saman khan bi olop change kuribole lagey. Aji moi para kunba saman change kuribole lagey thakishey.”
Etu event tae sob sae gorom din thakishey, temparature toh 90 degrees Fahrenheit (32 celcius)punchi thakishey , aro Gauff para mark toh miss kuri thakishey second set tae. Hoilabe tai para saba kurishey stretch tae, kali 8 misuses last set tae.
Add Comment